ایران کے صدارتی انتخابات ،7امیدوار میدان میں

 سعید جلیلی ، محسن رضائی، سید ابراہیم رئیسی، علی رضا زاکانی، سید امیر حسین قاضی زادہ ہاشمی، محسن مہر علی زادہ اور عبد الناصر ہمتی کے ناموں کی توثیق
 40کے کاغذات درست قرار دئے گئے،13ویں صدارتی انتخابات کی پولنگ 18جون کو ہوگی
تہران (نیوز ڈیسک) ایرانی الیکشن کمیشن نے 13ویں صدارتی انتخابات کے امیدواروں کے ناموں کا اعلان کردیا،انتخابات میں شرکت کیلئے40کے کاغذات درست قرار دئے گئے تھے اور وزارت داخلہ نے یہ فہرست شورائے نگہبان کو بھیج دی تھی جس نے باضابطہ طور 7امیدواروں کے ناموں کی توثیق کی ہے، جس میں سعید جلیلی ، محسن رضائی، سید ابراہیم رئیسی، علی رضا زاکانی، سید امیر حسین قاضی زادہ ہاشمی، محسن مہر علی زادہ اور عبد الناصر ہمتی شامل ہیں، عدلیہ کے سربراہ سید ابراہیم رئیسی، شورائے نگہبان کے سربراہ محسن رضائی اور سپریم نیشنل سیکیورٹی کونسل کے سابق سیکریٹری اور سابق ایٹمی مذاکرات کار سعید جلیلی، قاضی زادہ ہاشمی اور علی رضا زاکانی اصول پرست امیدوار ہیں، سابق نائب صدر محسن مہر علی زادہ اور ر سینٹرل بینک کے سربراہ عبد الناصر ہمتی اصلاح پسندامیدوار ہیں، نائب صدر اسحاق جہانگیری ،سابق اسپیکر علی لاریجانی اور سابق صدر احمدی نژاد سمیت کئی اہم امیدواروں کے نام مسترد کردئے گئے ، تمام امیدواروں نے اپنی انتخابی مہم شروع کر دی ہے جو الیکشن سے 24گھنٹے پہلے یعنی 17جون کو ختم ہوجائے گی ، 18جون کوپولنگ ہوگی، ایرانی صدر حسن روحانی 2 مرتبہ صدارتی عہدہ سنبھالنے کے بعد سبکدوش ہو جائیں گے، ایران میں مسلسل 3 مرتبہ صدر بننے کی قانون میں اجازت نہیں ہے