امریکی انخلا سے حکومت کو کوئی تشویش نہیں، اشرف غنی

افغان افواج اور سیکیورٹی ادارے سلامتی کے تحفظ کی پوری توانائی رکھتے ہیں
کابل (نیوز ڈیسک) افغان صدر اشرف غنی نے کہا ہے کہ امریکی فوجیوں کے انخلا کے حوالے سے حکومت کو کوئی تشویش نہیں، افغان افواج اور سیکیورٹی ادارے ملکی سلامتی کے تحفظ کی پوری توانائی رکھتے ہیں ، انہوں نے امید ظاہر کی کہ حکومت اور طالبان کے درمیان قیدیوں کا تبادلہ مکمل ہوتے ہوئے بین الافغانی مذاکرات کا سلسلہ شروع ہوجائے گا دوسری جانب افغانستان کی اعلی مصالحتی کونسل کے سربراہ عبداللہ عبداللہ نے بین الافغانی مذاکرات کے آغاز کو ضروری قرار دیا ہے ،انہوں نے کہا طالبان کو بھی چاہیے کہ وہ ملکی آئین کے تحت ایک شخص، ایک ووٹ کے اصول کو تسلیم کرلیں ، مذاکرات سے قبل طالبان کی جانب سے پر تشدد اقدامات میں تیزی کا اچھا نتیجہ برآمد نہیں ہوگا۔