Ilyas امریکی فضائیہ صوبہ ہلمند میں بمباری کرکے دوحہ معاہدے کی خلاف ورزی کررہی ہے، طالبان
کابل واشنگٹن (نیوز ڈیسک) امریکا اور طالبان نے ایک دوسرے پرامن معاہدے کی خلاف ورزی کے الزامات عائد کئے ہیں، طالبان ترجمان قاری یوسف احمدی نے کہا ہے کہ افغانستان میں امریکی فوج امن معاہدے کی خلاف ورزی کررہی ہیں، امریکی فضائیہ صوبہ ہلمند میں بمباری کرکے دوحہ معاہدے کی خلاف ورزی کررہی ہے، ترجمان نے خبردار کیا کہ امریکا کو اشتعال انگیز کارروائیوں اور بمباری کے نتائج بھگتنا پڑسکتے ہیں، دوسری جانب امریکی نمائندہ خصوصی برائے افغانستان زلمے خلیل زاد نے کہا ہے کہ مذاکرات امن کیلئے تاریخی موقع ہیں جسے ضائع نہیں کیا جانا چاہیے، امریکا طالبان معاہدے اور امریکہ افغان مشترکہ اعلامیے پر سختی سے عمل پیرا ہونا چاہیے، معاہدے کی خلاف ورزی کے الزامات اور اشتعال انگیز بیانات امن کو آگے نہیں بڑھائیں گے
