امریکا اور ایران کےدرمیان جنگ بندی میں توسیع کا معاہدہ ہوگیا

واشنگٹن : امریکا اور ایران کے درمیان جنگ بندی میں توسیع کا معاہدہ ہوگیا۔ امریکی نیوز ویب سائٹ ایگزیوس کی رپورٹ میں کہا گیا ہے کہ ایران نے امریکا سے ایٹمی پروگرام پر مذاکرات کی حامی بھرلی ہے۔ رپورٹ میں مزید کہا گیا ہے کہ امریکا ایران مفاہمت پر صدر ٹرمپ کی حتمی منظوری ابھی باقی ہے ۔امریکی عہدیدار نے بتایا کہ ساٹھ روزہ مفاہمتی معاہدے میں آبنائے ہرمز سے جہاز رانی کو بلا رکاوٹ جاری رکھنے کی شق شامل ہوگی، جس کے تحت آبنائے ہرمز میں نہ ٹول ٹیکس ہوگا اور نہ ہی جہازوں کو ہراساں کیا جائے گا۔ امریکی بحری ناکہ بندی ختم کردی جائےگی۔ امریکی عہدیدار کے مطابق معاہدہ میں جوہری ہتھیار حاصل نہ کرنے کا عہد بھی شامل ہوگا۔ ابتدائی مرحلے میں ایران کے انتہائی افزودہ یورینیم کو ٹھکانے لگانے اور یورینیم افزودگی کے معاملے پر بات چیت ہوگی۔