صوبہ خیبر پختونخواه کے علاقے پاراچنارمیں طوری مارکیٹ کے سامنے ایک زور دار بم دهماکے میں متعدد شہری خاک و خوں میں غلطاں هوگئے۔ دھماکہ سبزی کی ریڑھی میں نصب دھماکا خیز مواد سے ہوا جس کے نتیجے میں ایک شخص جاں بحق اور 20 کے قریب افراد زخمی ہوئے۔
ڈی ایم ایس ہیڈ کوارٹر ہسپتال پاراچنار قیصر حسین کے مطابق دھماکے میں ایک شخص جاں بحق اور 20 کے قریب افراد زخمی ہو گئے۔
زخمیوں کو ڈسٹرکٹ ہیڈ کوارٹر ہسپتال پاراچنار پہنچا دیا گیا۔ پولیس و سیکیورٹی فورسز نے علاقے کو گھیرے میں لے کر سرچ آپریشن شروع کر دیا۔
دھماکے کے بعد سے پارا چنار پریس کلب کے سامنے شدید احتجاجی مظاہرہ جاری ہے جبکہ مظاہرین نے مین شاہراہ کو ہر قسم کی ٹریفک کیلئے بند کردیا ہے۔ ایم ڈبلیو ایم اور شیعہ علماء کونسل نے دھماکے کی شدید مذمت کی ہے۔
