غاصب صہیونی فوج کے جنگی
طیاروں نے غزہ کے مرکزی اور جنوبی علاقوں پر ایک بار پھر بمباری کی ہے۔ شہاب خبر رساں ایجنسی کی رپورٹ کے مطابق غاصب صہیونیوں نے غزہ میں خان یونس، بیدر اور شجاعیہ پر بمباری کی۔ غاصب ٹولے نے بیدر علاقے میں بحری تنصیبات کو ہیلی کاپٹروں سے نشانہ بنایا۔
صہیونی جنگی طیاروں نے اسی طرح غزہ کے جنوب میں واقع خان یونس کے شمال مشرقی علاقے پر بھی بمباری کی۔
فلسطینی ذرائع کا کہنا ہے کہ مزاحمتی جوانوں نے جوابی کارروائی کرتے ہوئے شیخ عجلین پر کئی راکٹ داغے گئے۔ رپورٹ کے مطابق ان حملوں کے بعد رفح میں واقع حشاشین اڈے پر بھی حملہ کیا گیا۔ دریں اثنا عسقلان کے علاقے پر ہونے والے راکٹ حملوں کے بعد غزہ کے اطراف میں واقع صیہونثی بستیوں میں خطرے کے سائرن بجائے گئے۔ ان حملوں اور جوابی حملوں میں ہونے والے نقصانات کی تفصیلات ابھی موصول نہیں ہو پائی ہیں۔ فلسطین کی جہاد اسلامی اور حماس نے اعلان کیا ہے کہ وہ غاصب صہیونی حکومت کی ہر قسم کی جارحیت کا مقابلہ کرنے کے لئے آمادہ ہے۔
