طالبان اور امریکی حکام کے درمیان براہ راست مذاکرات

انٹراافغان اور خطے کی سلامتی سے متعلق بات چیت
واشنگٹن(نیوز ڈیسک) طالبان وفد اور امریکی وزیرخارجہ مائیک پومپیو کے درمیان ویڈیو کانفرنس کے ذریعے مذاکرات ہوئے اس دوران انٹراافغان اور خطے کی سلامتی سے متعلق بات چیت کی گئی ،مائیک پومپیو اور طالبان وفد کے درمیان گفتگو میں افغانستان کی صورت حال اور ماضی میں ہونے والے تاریخی معاہدہ پر بھی تبادلہ خیال کیا گیا ،ترجمان طالبان قطر دفتر نے مذاکرات کی تصدیق کردی، سہیل شاہین کا کہنا تھا کہ کانفرنس مذاکرات میں طالبان کے ڈپٹی ملا برادر بھی شریک ہوئے، طالبان نے پومپیو سے غیرملکی فوجیوں کے انخلا اور مزید قیدیوں کی رہائی پر بات کی ،ترجمان نے بتایا کہ ویڈیوکانفرنس میں انٹرا افغان مذاکرات اور تشدد میں کمی پر بھی گفتگو ہوئی ، فریقین کی قطر کے دارالحکومت دوحہ میں اہم بیٹھک لگے گی ۔