شیعہ علما اور ذاکرین پر توہین صحابہ کے جھوٹے مقدمات کی بھرمار

 تھانہ گلبرگ کراچی میں علامہ طالب جوہری کے بیٹے امجد رضا جوہری کے خلاف مقدمہ درج،اسلام آباد میں علامہ شیخ سخاوت علی قمی کے خلاف پرچہ کٹ گیا
شیعہ مخالف گروہ بیرونی فنڈنگ پر ایف آئی آرز کا اندراج کروا رہا ہے، ہم امن کی وجہ سے خاموش ہیں اسے کمزوری نہ سمجھا جائے،: جعفریہ الائنس پاکستان
اسلام آباد/کراچی (نیوز ڈیسک) ملک دشمن کالعدم تنظیوں نے شیعہ علما،خطبائ ، ذاکرین اورمجالس کے منتظمین کیخلاف توہین صحابہ کے جھوٹے مقدمات درج کرانے کا سلسلہ تیز کردیا ہے ، جبکہ سوشل میڈیا پر کھلے عام تکفیری عناصر اور تکفیری وناصبی مولویوں کی جانب سے شان اہل بیت ع اور امام زمانہ ع میں بدترین گستاخیوں پر حکومت، پولیس اور عدلیہ خاموش تماشائی بنی بیٹھی ہے، کراچی میں کالعدم کے عہدیدار کی جانب سے تھانہ گلبرگ میں علامہ طالب جوہری کے بیٹے اور معروف ذاکر امجد رضا جوہری کے خلاف ایف آئی آر درج کرائی گئی ہے جس میں خلفاثلاثہ اور توہین صحابہ کے الزامات عائد کئے گئے ہیں،امجد رضا جوہری نے امام بارگاہ آل عبا میں یوم علی پر مجالس عزا سے خطاب کیا تھا،ادھر اسلام آباد میں نامور خطیب وذاکر اہل بیت علامہ شیخ سخاوت علی قمی کے خلاف تھانہ کراچی کمپنی میں توہین صحابہ کا جھوٹا مقدمہ درج کرایا گیا ہے، : جعفریہ الائنس نے علامہ طالب جوہری کے بیٹے اور معروف ذاکر امجد رضا جوہری کے خلاف توہین صحابہ کی ایف آئی آر درج کرنے کی شدید مذمت کی ہے،کراچی میں نیوز کانفرنس کے دوران علامہ باقر حسین زیدی نے کہا کہ ایک ناصبی مولوی جو کہ مسلسل شیعہ مکتب کے خلاف ہرزہ سرائی کررہا ہے، اور شیعہ مخالف گروہ بیرونی فنڈنگ پر ہمارے علما ئے کرام، خطبا و ذاکرین عظام،شعرائے کرام، جلوس ہائے عزا کے پرمٹ ہولڈرز، مساجد و امام بارگاہوں کے ٹرسٹیز کیخلاف بلاوجہ ایف آئی آرز کا اندراج کروا رہا ہے، ہم اس ملک میں امن کی وجہ سے خاموش ہیں اسے کمزوری نہ سمجھا جائے،انہوں نے بول نیوز چینل پر فرقہ واریت پھیلانے کی مذمت کی اور اسے تشویشناک قرار دیا۔