شام کی ارضی سالمیت برقرار رہے گی،ترکی،قطر ،روس

 سہہ فریقی اجلاس کا مقصد شام میں مستقل حل کی کوششوں میں حصہ ڈالنا ہے
دوحہ (نیوز ڈیسک) ترکی ،قطر اور روس نے شام کی ارضی سالمیت برقرار رکھنے اور علیحدگی پسندوں کے خلاف لڑنے کے اقدامات پر اتفاق کیا ہے، قطر کے دارالحکومت دوحہ میں ترکی ، روس اور قطر کے وزرائے خارجہ کے اجلاس میں شام کی صورتحال پر غور کیا گیا اور سہ فریقی مشاورت کا عمل جاری رکھنے پر اتفاق کیا گیا، ترکی کے وزیرخارجہ مولود چاوش اوغلو نے کہا ہے کہ شام کی ارضی سالمیت پر یقین رکھتے ہیں ، ترکی، شام کی علاقائی سالمیت، شہریوں اور دہشت گرد تنظیموں سے تحفظ اور دفاع کے لیے اپنی جنگ جاری رکھے گا،سہہ فریقی اجلاس کا مقصد شام میں مستقل حل کے لیے کوششوں میں حصہ ڈالنا ہے ، انہوں نے کہا کہ شام میں 10 برس سے دہشت گرد حالات سے ناجائز فائدہ اٹھارہے تھے جس پر اجلاس میں غور کیا گیا ہے