دشمن کا مقصد جوانوں کو اسلامی نظام سے الگ کرنا ہے،آیت اللہ خامنہ ای

پارلیمانی انتخابات ایران کے دشمنوں کے مکر و حیلے کا جواب ہوں گے
تہران (نیوز ڈیسک) ولی امر مسلمین آیت اللہ خامنہ ای نے تبریز کے عوام کے مختلف طبقات کے ساتھ ملاقات میں عالمی استکبار کی اسلام اور مسلمانوں کے خلاف گھناؤنی سازشوں کی طرف اشارہ کرتے ہوئے کہا ہے کہ دشمن کا مقصد جوانوں کو اسلامی نظام سے الگ کرنا ہے لیکن عوام شہید قاسم سلیمانی کے جنازے اور اسلامی انقلاب کی ریلیوں کی طرح الیکشن میں بھی بھرپور حصہ لیکر دشمن کو مایوس کردیں گے، یہ انتخابات ایران کے دشمنوں کے مکر و حیلے کا جواب ہوں گے اور ایرانی عوام جانتے ہیں کہ انہیں کیا کرنا ہے،انہوں نے کہاکہ امریکی یہ چاہتے تھے کہ جنرل قاسم سلیمانی کو کہ جن کا علاقے میں گہرا اثر و رسوخ تھا شہید کرکے خطے کے حالات پر مسلط ہوجائیں لیکن نتیجہ اس کے برخلاف نکلا۔