حکومت لال مسجد کے معاملہ میں بلیک میل نہیں ہوگی،گورنر پنجاب

حکومت لال مسجد کا معاملہ جلد حل کرلے گی، کچھ تصفیہ طلب معاملات ہیں
لاہور(نیوز ڈیسک) گورنر پنجاب چودھری محمد سرور نے کہا ہے کہ حکومت لال مسجد سمیت کسی بھی معاملے میں بلیک میل نہیں ہوگی بلکہ قانون و انصاف کی پاسداری کی جائے گی، لاہور میں حضرت شاہ عنایت قادری کے مزار پر حاضری کے بعد میڈیا سے گفتگو میں چودھری محمد سرور نے کہا کہ حکومت لال مسجد کا معاملہ جلد حل کرلے گی، کچھ معاملات ہیں، جو تصفیہ طلب ہیں، ایسا میکانزم بنا رہے ہیں کہ کوئی حکومت کو بلیک میل نہ کر سکے،انہوں نے کہا کہ ملک سے دہشت گردی کے عفریت کا خاتمہ کرنے کیلئے آپریشن ردالفساد جاری رہے گا، صوفیا کی تعلیمات کو عام کرکے معاشرے میں امن قائم کیا جا سکتا ہے۔