بعض گروپ چاہتے ہیں مسئلہ کشمیر کے حل تک جی بی کوعبوری صوبہ بنادیا جائے،سراج الحق

عسکری قیادت چاہتی ہے کہ جی بی کے عوام کو آئینی حیثیت دی جائے
لاہور (نیوز ڈیسک) امیرِجماعت اسلامی سراج الحق نے کہا ہے کہ عسکری قیادت چاہتی ہے کہ گلگت بلتستان کے لوگوں کو آئینی حیثیت دی جائے جس کا وہ کئی برسوں سے مطالبہ کر رہے ہیں، اجلاس میں یہ تجویز سامنے آئی کہ جب تک کشمیر کا مسئلہ حل نہیں ہو جاتا اس وقت تک گلگت بلتستان کو عبوری صوبہ بنانے کا اعلان کیا جائے۔ سراج الحق نے انکشاف کیا کہ عسکری قیادت کا کہنا تھا کہ وہ اس معاملے پر جماعت اسلامی کا موقف جانتی ہے جبکہ پیپلز پارٹی اور نون لیگ کا اصرار ہے کہ یہ معاملہ فی الحال چھوڑ دیا جائے اور گلگت بلتستان کو آئندہ الیکشن کے بعد زیر بحث لایا جائے تاکہ اس معاملے کو کوئی بھی سیاسی جماعت انتخابی مہم کا حصہ نہ بنا سکے۔