او آئی سی کوئی بھی کردار ادا کرنے کے قابل نہیں رہی، راجا ظفر الحق

ایران سوگ میں ہے اور اسے یہ کہنا کہ آپ انتہائی قدم نہ اٹھائیں، مناسب نہیں
اسلام آباد(نیوز ڈیسک)اپوزیشن جماعت مسلم لیگ (ن) کے سینئر رہنما اور سینیٹ میں قائد حزب اختلاف سینیٹر راجہ ظفر الحق نے کہا ہے کہ اسلامی تعاون تنظیم او آئی سی کوئی بھی کردار ادا کرنے کے قابل نہیں رہی،وہ مسئلہ کشمیر میں بھی کوئی موثر کردار ادا نہ کرسکی،سینیٹ میں خطاب کرتے ہوئے راجہ ظفر الحق نے کہاکہ ایران امریکا تنازع پر پاکستان کو زیادہ متحرک کردار ادا کرنا چاہیے مگر وہ فی الحال کچھ کرنے کی پوزیشن میں نہیں،انہوں نے کہا کہ ایران سوگ میں ہے اور اسے اس وقت یہ کہنا کہ آپ کوئی انتہائی قدم نہ اٹھائیں، مناسب نہیں۔