امریکا میں شہریوں کی اسمارٹ فونز کے ذریعے کڑی نگرانی

موبائل فونز کے درست مقام اور نقل و حرکت جانچنے تک مکمل رسائی
واشنگٹن (نیوز ڈیسک)ٹرمپ انتظامیہ نے عدالتی احکام کی دھجیاں اڑاتے ہوئے موبائل فونز کے بالکل درست مقام اور اس کی ٹھیک ٹھیک نقل و حرکت جانچنے تک رسائی حاصل کرلی، وال اسٹریٹ جنرل کے مطابق ٹرمپ انتظامیہ نے ایک تجارتی ڈیٹا بیس تک رسائی خریدی ہے جو امریکا میں لاکھوں سیل فونز کی نقل و حرکت کے نقشے بنا رہی ہے اور اسے امیگریشن اور سرحدی نفاذ کے لئے استعمال کررہی ہے، حکومت جس ڈیٹا کو استعمال کررہی ہے وہ فون کمپنیوں سے نہیں بلکہ ایک لوکیشن ڈیٹا کمپنی سے حاصل کیا جاتا ہے اور اسی کے ذریعے حکومت خاموشی سے اسمارٹ فون کے مالک امریکیوں کی نقل و حرکت ریکارڈ کررہی ہے، بہت ساری موسم اور کوپنز کی موبائل ایپس ایسی ہیں جو صارفین کی اجازت کے بغیر ان کے محل وقوع کا ڈیٹا اکٹھا اور ریکارڈ کرتے ہیں، اور پھر یہ اعداد و شمار تیسری پارٹی کے خریداروں کو فروخت کیے جاسکتے ہیں۔