آرمی چیف جنرل باجوہ سے امریکی ناظم الامور کی ملاقات

راولپنڈی (نیوز ڈیسک) آرمی چیف جنرل قمر جاوید باجوہ سے امریکی ناظم الامور انجیلا اینگلر کی ملاقات ہوئی ہے۔ آئی ایس پی آر کے مطابق آرمی چیف جنرل قمر جاوید باجوہ سے امریکی ناظم الامور انجیلا اینگلر کی ملاقات ہوئی، ملاقات میں باہمی دلچسپی امور، خطے کی مجموعی صورت حال پر تبادلہ خیال کیا گیا۔ آئی ایس پی آر کا کہنا ہے کہ معزز مہمان نے خطے کے امن کیلئے پاکستان کے کردار کو سراہا، افغان امن عمل میں پیشرفت پر تفصیلی بات چیت کی گئی۔ انسداد کورونا کیلئے کیے جانے والے اقدامات پر بھی گفتگو ہوئی۔ اس موقع پر آرمی چیف نے کہا کہ پاکستان افغان امن عمل کو مکمل سنجیدگی سے سپورٹ کر رہا ہے، مستحکم، پرامن ترقی کرتا افغانستان خطے، پاکستان کے بہترین مفاد میں ہے، توقع ہے پاکستان امریکا کے درمیان ہر شعبے میں وسیع باہمی تعاون فروغ پائے گا۔ آرمی چیف جنرل قمر جاوید باجوہ کا کہنا تھا کہ مستقبل میں تمام شعبوں میں پاک امریکا تعلقات کے فروغ کی توقع رکھتے ہیں، پاکستان نے مخلصانہ طور پر افغان امن عمل کی حمایت کی ہے۔ مستحکم اور پر امن افغانستان خطے خصوصاً پاکستان کے بہترین مفاد میں ہے۔ امریکی ناظم الامور کا کہنا تھا کہ پاکستان کی مسلسل علاقائی و استحکام کیلئے کلیدی کاوشیں قابل قدر ہیں