کوہاٹ: حالیہ ٹارگٹ کلنگ میں ملوث 3دہشت گرد گرفتار

گرفتار دہشتگردوں کا مقصد علاقہ میں شیعہ، سنی فسادات کرانا تھا
کوہاٹ (نیوز ڈیسک) کوہاٹ پولیس نے حالیہ شیعہ ٹارگٹ کلنگ میں ملوث گروہ کے تین دہشتگردوں کو گرفتار کرلیا، ڈی پی او کوہاٹ نے میڈیا بریفنگ کے دوران بتایا کہ یہ گروہ کوہاٹ میں بدامنی پھیلانے اور شیعہ، سنی فسادات کرانے میں ملوث تھا، انہوں نے گرفتار تینوں دہشتگردوں کو میڈیا کے سامنے پیش کرتے ہوئے بتایا کہ دہشتگردوں نے چھ ستمبر کو قیصر عباس نامی نوجوان، جبکہ اس کے بعد سید ارتضیٰ حسین اور میر حسن جان نامی شیعہ شہریوں کو نشانہ بنا کر شہید کیا تھا۔ ڈی پی او کا کہنا تھا کہ دونوں قتل کی وارداتوں میں مماثلت تھی، گرفتار دہشتگردوں کا مقصد علاقہ میں شیعہ، سنی فسادات کرانا تھا اور یہ دوران تفتیش ثابت ہوگیا ہے