کراچی : جبری گمشدگیوں کیخلاف علامتی بھوک ہڑتال

تمام افراد بازیاب ہونے تک چین سے نہیں بیٹھیں گے ، ایکشن کمیٹی
 کراچی(نیوز ڈیسک) لاپتہ افراد کی عدم بازیابی کے خلاف جوائنٹ ایکشن کمیٹی فار شیعہ مسنگ پرسنز کے زیر اہتمام نمائش چورنگی پر علامتی بھوک ہڑتال کی گئی ، جس میں بچوں، جوانوں، خواتین اور بزرگوں نے کثیر تعداد میں شرکت کی،بعد میں علما، و خانوادہ لاپتہ افراد اور جوائنٹ ایکشن کمیٹی کے مولانا حیدر عباس عابدی سمیت دیگر رہنماوں نے مشترکہ پریس کانفرنس سے خطاب کیا، مقررین کا کہنا تھا کہ جب تک محب وطن لاپتہ افراد بازیاب نہیں ہو جاتے، ہم چین سے نہیں بیٹھیں گے،اور غیر آئینی اقدم کے خلاف صدائے احتجاج بلند کرتے رہیں گے، ملک میں ، جبری گمشدگیوں کا سلسلہ گذشتہ 5 سال سے جاری ہے، جس کے تحت کئی نوجوان تاحال لاپتہ ہیں، تمام شیعہ لاپتہ افراد کو منظر عام پر لایا جائے اور اگر ان پر الزام ہیں تو عدالتوں میں پیش کرکے مقدمے چلائے جائیں اور بے گناہوں کو رہا کیا جائے