قدس کے مسئلے کو کبھی فراموش نہیں کرینگے، انصار اللہ

اسرائیل سرطانی پھوڑے کی مانند ہے جسے صفحہ ہستی سے مٹ جانا چاہئے
صنعا(نیوز ڈیسک) انصاراللہ کے سربراہ اور یمن کی مزاحمتی تحریک کے سربراہ سید عبدالملک الحوثی نے کہاہے کہ یمنی عوام قدس کی امنگوں اور اس کی آزادی کے مسئلے کو کبھی نہیں بھولیں گے، عالمی یوم القدس ایک انتہائی اہم مناسبت ہے جس پر امتِ مسلمہ کو اٹھ کھڑا ہونا چاہئے ،یمنی عوام اپنی ایمانی بنیادوں کے سبب حق کی فتح و فلسطینی عوام کی مدد کے حوالے سے اٹل موقف کے حامل اور فلسطین سمیت تمام مقدس مقامات اور عرب ممالک کی آزادی کے لئے عملی طور پر کوشاں ہیں ، ہمارے عوام اسرائیلی دشمنوں کو پوری امتِ مسلمہ اور خطے سمیت پوری دنیا کے امن و امان کے لئے شدید خطرہ گردانتے ہیں جبکہ غاصب اور غیر قانونی اسرائیلی رزیم ایک ایسے سرطانی پھوڑے کی مانند ہے جسے فی الفور صفحہ ہستی سے مٹ جانا چاہئے،سید عبدالملک الحوثی نے بعض عرب ممالک کی جانب سے غاصب صہیونی رڑیم کے ساتھ کھلی سازباز کو حق پر مبنی موقف سے عدول اور اسلام و مسلمانوں سے کھلی خیانت قرار دیا۔