حشد الشعبی تہذیب و ثقافت کا حصہ ہے، النجا تحریک

 عراق کی مصلحتوں کے پیش نظر حشد الشعبی اپنی راہ جاری رکھے گی
 بغداد (نیوز ڈیسک) النجبا تحریک کی سیاسی کونسل کے چیئرمین شیخ علی الاسدی نے عراق کی عوامی رضاکار فورس الحشد الشعبی کو اپنے ملک کے تہذیبی، سماجی اور ثقافتی حصہ کا اٹوٹ حصہ قرار دیا ہے، شیخ علی الاسدی نے کہا کہ دینی مرجعیت کے فتوے نے عراق میں عوامی رضاکار فورس الحشد الشعبی اور حکومت کے درمیان دوری پیدا کرنے سے متعلق سازشوں اور کوششوں کو ناکام بنا دیا ،انہوں نے کہا کہ عراق کی عوامی رضاکار فورس الحشد الشعبی سیاست سے دور اپنا واضح رخ اختیار کرتے ہوئے عراق کی مصلحتوں کے پی نظر اپنی راہ جاری رکھے گی ،عراقی پارلیمنٹ کے الفتح الائنس نے بھی ایک بیان میں اعلان کیا ہے کہ عوامی رضاکار فورس الحشد الشعبی مسلح افواج کے ساتھ مل کر عراق کی ارضی سالمیت اور قومی اقتدار اعلی کا دفاع کر رہی ہے۔