جنگ اسرائیل کی سڑکوں تک پہنچ چکی ہے، جو کبھی سوچا نہیں تھا، صہیونی صدر کا اعتراف

صہیونی حکومت کے صدر نے اعتراف کیا ہے کہ جنگ اب اسرائیل کی ‎سڑکوں پر شروع ہوگئی ہے جس کا ہم نے سوچا بھی نہیں تھا۔ النشرہ ویب نیوز کے مطابق، صہیونی حکومت کے صدر ریووین ریولن نے اندرون اسرائیل جاری جھڑپوں پر تبصرہ کرتے ہوئے کہا ہے کہ اکثر لوگوں نے یہ سوچا بھی نہیں تھا اور وہ جو دیکھ رہے ہیں انہیں یقین نہیں آرہا ہے۔ ریولن نے اس سے پہلے بھی مقبوضہ فلسطین میں اندرونی جھڑپوں کے بارے میں کہا تھا کہ وہ اس وحشت ناک صورتحال کے تدارک کے لیے پوری توانائیاں بروئے کار لائیں گے- جو ہماری آنکھوں کے سامنے رونما ہورہی ہے۔
گزشتہ روز صہیونی حکومت کے وزیر اعظم بن یامین نتن یاھو نے بھی مقبوضہ فلسطین میں جاری کشیدگی کے بعد ایک بیان میں کہا تھا کہ اسرائیل کے شہروں میں تشدد اور شورش کو ہرگز برداشت نہیں کیا جائے گا۔
اسرائیلی ذرائع نے اللد، کفر قرع، عکا، رملہ اور یافا سمیت مقبوضہ فلسطین کے پیشتر شہروں میں فلسطینیوں اور صہیونیوں کے درمیان جھڑپوں کا اعتراف کیا ہے۔