Raza Musani 
بیجنگ : چین کے وزیرِ خارجہ وانگ یی نے اسرائیل سے کہا ہے کہ وہ مغربی کنارے میں بستیوں کے جبری قیام کو روکے اور اپنے اقدامات واپس لے۔ آذربائیجان میں ایک کانفرنس کے موقع پر چینی وزیرخارجہ نے اسرائیلی صدر آئزک ہرزوگ سے بالمشافہ ملاقات میں کہا کہ فلسطینی مسئلہ اس صدی کی سب سے بڑی تاریخی ناانصافی ہے۔ بیجنگ طویل عرصے سے فلسطینی مؤقف کا حامی رہا ہے اور اس کا کہنا ہے کہ دو ریاستی حل ہی درست سمت ہے۔ وانگ کا کہنا ہے کہ فوری ترجیح غزہ تک رسائی کو مکمل طور پر کھولنا اور جاری انسانی تباہی کے پھیلاؤ کو روکنا ہے۔ وانگ نے کہا کہ چین عالمی برادری کے ساتھ مل کر کام کرنے کے لیے تیار ہے تاکہ فریقین کو دوبارہ مذاکرات کی طرف لایا جا سکے اور تنازع کے سیاسی حل کی کوشش کی جا سکے۔
