ایران کورونا سے نمٹنے کیلئے پوری طرح تیار ہے، عالمی ادارہ صحت

کسی وبا کے کنٹرول میں اہم کردار اداروں اور عا م لوگوں میں تعاون ہوتا ہے
تہران(نیوز ڈیسک) عالمی ادارہ صحت کے وفد نے ایران کے اسپتالوں کا دورہ کرنے کے بعد کہا ہے کہ ایران کورونا سے نمٹنے کے لئے پوری طرح تیار ہے اور ہمیں یقین ہے کہ ایران، آسانی سے اس وائرس پر کنٹرول حاصل کر لے گا عالمی ادارہ صحت کے وفد نے اپنے ماہرین کی ایک ٹیم کے ساتھ ایران کے اسپتالوں کا دورہ کیا اور بیماروں کے علاج کے طریقہ کار کا جائزہ لیا، ڈبلیو اچ او کے وفد کا کہنا تھا کہ ایران میں علاج کی بہترین سہولیات موجود ہیں، کورونا ہو یا کوئی اور وائرس اس پر کنٹرول کرنے میں سب سے اہم کردار اداروں اور عام لوگوں کے درمیان تعاون کا ہوتا ہے اور ایران میں ہم یہ چیز بہت اچھی حالت میں دیکھ رہے ہیں۔