ایران اور قطر کا دوطرفہ تعلقات کے فروغ پر اتفاق

دونوں ممالک مختلف شعبوں میں اس حوالے سے مل کر کام کریں گے
تہران (نیوز ڈیسک) خلیجی ریاست قطرکے امیر تمیم بن حمد آل ثانی نے دورہ ایران کے دوران صدر حسن روحانی سے ملاقات کی، اس ملاقات میں دونوں ملکوں میں سیاسی اور اقتصادی تعلقات کے فروغ پر اتفاق کیا گیا،اس موقع پر مشترکہ پریس کانفرنس سے خطاب کرتے ہوئے ایرانی صدر حسن روحانی نے کہا کہ وہ قطر کے امیر تمیم بن حمد سے دونوں ممالک کے مابین تعلقات کو وسعت دینے کے اہم فیصلوں پر اتفاق کرتے ہیں ڈاکٹر حسن روحانی نے کہا کہ تہران اور دوحا کے درمیان سیاسی اور معاشی دوروں کو بڑھانے پر مکمل اتفاق ہے اور دونوں ملک مختلف شعبوں میں اس حوالے سے مل کر کام کریں گے، قطر کے امیر نے کہا کہ وہ ایران کے موقف اور اس سے قطر کو فراہم کردہ اشیا کی قدر کرتے ہیں۔