امریکی سینیٹرز کا ٹرمپ کو خط، سینچری ڈیل پر تحفظات

یکطرفہ منصوبے سے امن کے مطلوبہ مقاصد حاصل نہیں ہوسکیں گے
واشنگٹن (نیوز ڈیسک) امریکی سینیٹرز کے ایک گروپ نے صدر ٹرمپ کو خط لکھ کر سینچری ڈیل منصوبے پر اپنے تحفظات کا اظہار کیا ہے، 12 سینیٹرز کے گروپ نے اپنے دستخط سے ٹرمپ کو خط لکھا ہے جس میں موقف اختیار کیا گیا ہے کہ انہیں ٹرمپ کے اس یکطرفہ مشرق وسطیٰ منصوبے پر سخت تشویش ہے اس میں فلسطینیوں کی قطعی شمولیت نہیں،اس یکطرفہ منصوبے کے نفاذ سے امن کے قیام کے مطلوبہ مقاصد حاصل نہیں ہوسکیں گے،یروشلم پر اسرایل کی حاکمیت، یہودی بستیوں کو قانونی قرار دینے سے معاملات پیچیدہ ہوں گے، آپ کی انتظامیہ پہلے ہی فلسطین اسرائیل پالیسی کو واپس موڑ چکی ہے، ہم ٹرمپ انتظامیہ پر زور دیتے ہیں کہ وہ دو ریاستی حل پر برقرار رہے اور ایسا ماحول پیدا کرے کے اسرائیلی اور فلسطینی ایک ساتھ امن سے رہ سکیں۔