اسلامی جمہوری نظام کے رول ماڈل کو اجاگر کرنے کی ضرورت ہے، آیت اللہ خامنہ ای

لاکھوں ابلاغیاتی ذرائع اسلامی نظام کیخلاف پروپیگنڈے میں مصروف ہیں
تہران(نیوزڈیسک) ولی امرمسلمین آیت اللہ سید علی خامنہ ای نے اسلامی جمہوری نظام کے رول ماڈل کو دنیا کے سامنے اجاگر کرنے کی ضرورت پر زور دیا ہے، محکمہ حج کے عہدیداروں اور کارکنوں سے خطاب میں ولی امر مسلمین نے کہا کہ دنیا اسلامی جمہوری نظام کے رول ماڈل سے آشنا نہیں، اس کے مقابلے میں لاکھوں ابلاغیاتی ذرائع اسلامی نظام کیخلاف پروپیگنڈے میں مصروف ہیں، ایران کیخلاف امریکاکی دشمنی اور ایرانی عوام کی جانب سے اس کی دھمکیوں کے سامنے ڈٹ جانے کے معاملے کو بھی حج کے موقع پردنیا کے سامنے اجاگر کرنے کی کوشش کی جائے،انہوں نے کہاکہ ایران کو ایک عام ملک میں تبدیل ہوجانا چاہیے سے امریکیوں کامطلب ہے کہ ایران اسلامی اور دینی نظریات اور عوامی رائے کی بنیاد پر معاشرے کے انتظام و انصرام کے جدید نظریے سے دستبردار ہوجائے۔