اسرائیل کاغزہ میں حماس کے ٹھکانوں پر فضائی حملہ

خان یونس میں جنگی ہیلی کاپٹروں نے مختلف مقامات کو نشانہ بنایا
غزہ(نیوز ڈیسک) اسرائیلی فضائیہ نے ایک بار پھر غزہ میں کئی مقامات کو اپنے حملوں کا نشانہ بنایا، بمباری سے کسی قسم کے جانی نقصان کی اطلاع نہیں ملی،
اسرائیلی فوج نے جنوبی غزہ میں خان یونس کے مغرب میں نیو بندرگاہ کے اطراف میں بمباری کی، جنگی ہیلی کاپٹروں نے عسقلان کے علاقے اور شمالی غزہ میں زرعی اراضی پر بمباری کی تاہم کوئی جانی نقصان نہیں ہوا، اس سے پہلے غزہ سے جنوبی اسرائیل پرپانچ میزائل داغے گئے،عسقلا ن میں اسرائیلی وزیراعظم کی موجودگی میں میزائل داغا گیا جس کے بعد نتن یاھو کو سیکیورٹی حصار میں لے لیا گیا اور انہیں وہاں سے ایک خفیہ پناہ گاہ میں لے جایا گیا۔