اسرائیل فلسطینیوں کیخلاف نسلی امتیاز کررہا ہے، ہیومن رائٹس

مقصد فلسطینیوں پر یہودیوں کے تسلط کو قائم رکھنا ہے،فلسطینیوں کا خیرمقدم
 لندن (نیوز ڈیسک) انسانی حقوق کی بین الاقوامی تنظیم ہیومن رائٹس واچ کا کہنا ہے کہ اسرائیل، مقبوضہ علاقوں میں فلسطینیوں اور اپنے عرب شہریوں کے خلاف نسلی امتیاز اور ریاستی جبر و استبداد کے جرائم کا مرتکب ہو رہا ہے ،اسرائیل کی حکمت عملی یہ ہے کہ اپنے عرب شہریوں سمیت مقبوضہ علاقوں کے فلسطینیوں پر یہودی اسرائیلیوں کے تسلط کو قائم رکھا جائے، اسرائیلی وزارت خارجہ نے ہیومن رائٹس واچ کی اس رپورٹ کو ’ بیہودہ اور لغو‘ قرار دیتے ہوئے مسترد کردیا، فلسطینی صدر محمود عباس نے ہیومن رائٹس واچ کی رپورٹ کا خیر مقدم کرتے ہوئے کہا ہے کہ بین الاقوامی برادری کو چاہیے کہ وہ فوراً اس معاملے میں مداخلت کرے۔