آئرلینڈ اسمبلی میں اسرائیلی سفیر کو نکالنے کی قرارداد جمع

 حکومت فلسطینی عوام کو پیغام بھیجے کہ دکھ کی اس گھڑی میں وہ اکیلے نہیں،رکن پارلیمنٹ
 ڈبلن ( نیوز ڈیسک) آئرش پولیٹیکل پارٹی پی بی پی نے آئرلینڈ سے اسرائیلی سفیر کو نکالنے کی قرارداد جمع کروادی، ممبر اسمبلی گنو کینی نے اپنے خطاب میں کہا کہ اب باتوں کا نہیں ایکشن لینے کا وقت آگیا ہے، آئرش حکومت فلسطینی عوام کو پیغام بھیجے کہ دکھ کی اس گھڑی میں وہ اکیلے نہیں ہیں ،حکومت سلامتی کونسل میں اپنی اہمیت اور اختیارت کا استعمال کرے اور اسرائیل کو اس جارحیت سے روکے، انہوں نے حکومت پر زور دیا کی ناصرف یورپی یونین بلکہ اقوام متحدہ کا رکن ہونے کے ناطے ہمیں اپنے اختیارات اور اثرورسوخ کو استعمال کرتے ہوئے اسرائیل کے خلاف سخت ایکشن لینے کے لیے دیگر ممالک کو اکٹھا کرنا چاہیے وزیراعظم مائیکل مارٹن نے کہا کہ خطے کے دونوں فریقوں کو باہمی رضامندی سے مسئلہ کو حل کرنا چاہیے۔