صیہونی دھمکیاں مزاحمت کو خوفزدہ نہیں کر سکتیں، حماس

غزہ :حماس نےصیہونی حکومت پر واضح کیا ہے کہ اس کی دھمکیاں مزاحمت کو خوفزدہ نہیں کرسکتیں۔صیہونی وزیر بینی گینٹز کے ریمارکس کا سخت الفاظ میں جواب دیتے ہوئے حماس کےترجمان حازم قاسم نے کہا کہ صیہونی دھمکیاں فلسطینی عوام کو قابض حکومت کیخلاف اپنی جائز جدوجہد جاری رکھنے کے حوصلے پست نہیں کریں گی۔ یہ انقلاب اسوقت تک جاری رہے گا جب تک کہ ہمارے لوگ آزادی کے اپنے بڑے مقاصد حاصل نہیں کر لیتے اور اپنے وطن واپس نہیں جاتے۔ بینی گینٹز نے دعویٰ کیا تھا کہ اسرائیلی فوج کو مقبوضہ علاقوں میں فلسطینیوں کے خلاف طاقت کے استعمال میں کسی پابندی کا سامنا نہیں کرنا پڑا اور وہ ان کے خلاف تمام محاذوں پر کارروائی کے لیے تیار ہے۔