صیہونی فوج نے قلندیا کیمپ میں تباہی مچادی، فائرنگ اور تشدد سے 51 فلسطینی زخمی

مقبوضہ بیت القدس: صیہونی فوج نے مقبوضہ مشرقی یروشلم کے قلندیا کیمپ میں تباہی مچادی۔ فائرنگ اور تشدد سے اکاون فلسطینی زخمی ہوگئے۔ حماس نے کہاہےکہ اسرائیل مزاحمت کو کمزور نہیں کرسکتا۔۔صیہونی فوج نے بدھ کی شام قلندیا کیمپ پر دھاوا بولا اور گھر گھر تلاشی کے دوران توڑ پھوڑ مچائی۔ مزاحمت پر کئی فلسطینیوں کو تشدد کرکے زخمی کردیا۔ کئی مقامات پر گولیاں چلائیں اور شیلنگ کی۔ آپریشن کے دوران اکاون فلسطینی زخمی ہوئے جس میں بعض کی حالت تشویشناک ہے جبکہ درجنوں فلسطینیوں کو حراست میں لے لیا گیا۔
حماس کے سیاسی بیورو کے رکن ہارون ناصر الدین نے مسلسل دوسرے روز قلندیا کیمپ پر اسرائیلی کارروائی کی مذمت کی۔ اور کہا کہ اسرائیلی حملے اہلِ یروشلم کو اپنی سرزمین اور مقدسات سے وابستگی سے نہیں ہٹا سکتے۔۔حماس رہنما کے مطابق گرفتاریاں، گھروں کی مسماری، تباہی اور انہیں فوجی مراکز میں تبدیل کرنا اسرائیلی منصوبے کا حصہ ہے۔