غاصب اسرائیلی فورسز کا ایک بار پھر مسجد اقصیٰ پر دھاوا، فائرنگ سے ایک فلسطینی شہید، 40 سے زائد زخمی

مقبوضہ بیت المقدس : صیہونی فورسز نے مسلسل دوسرے جمعے بھی مسجد اقصی ٰپر دھاوا بول دیا۔ فائرنگ اور شیلنگ کے نتیجے میں 43 فلسطینی زخمی ہوگئے۔ صیہونی فورسز نے فلسطینیوں کو نماز کی ادائیگی سے روکا اور اُن پر تشدد کیا۔نمازیوں پر دستی بم پھینکتے ہوئے ربر کی گولیاں برسائیں۔فلسطینیوں نے صیہونی فورسز کی جارحیت کا دفاع پتھروں سے کیا۔ایک ہفتے کے دوران اسرائیلی فورسز کا مسجد اقصیٰ پر یہ پانچواں حملہ ہے۔ ادھر جنین میں صیہونی فوجیوں کی فائرنگ میں ایک اور فلسطینی شہید ہوگیا۔ ماہ مبارک رمضان شروع ہوتے ہی صیہونی حکومت نے فلسطینیوں پر ظلم و جبر سے دباؤ بڑھانا شروع کر دیا ہے اور اس میں شدت بھی آگئی ہے۔