Raza Musani 
غزہ : صیہونی فوج نے غزہ سٹی میں وفا اسپتال کی تیسری منزل پر فضائی حملہ کردیا۔ جہاں سات مریض شہید اور کئی زخمی ہوگئے۔ عمارت کے بڑے حصے کو نقصان پہنچا۔ صیہونی فوج نے بیپٹسٹ اسپتال کے نام سے مشہور الاہلی عرب اسپتال پر بھی گولہ باری کی اور اس کی اوپر کی منزلوں کو نشانہ بنایا جس سے شدید نقصان پہنچا۔
گذشتہ روزصیہونی فوج نے کمال عدوان اسپتال کو زبردستی خالی کروانے کے بعد آگ لگادی تھی۔ صیہونی فوج نے اسپتال پر حملوں کیلئے پرانا جواز پیش کیا ہے کہ اسپتال حماس کے کمانڈ اینڈ کنٹرول سینٹر کے طور پر کام کررہے تھے۔ادھر غزہ سٹی ۔ جبالیہ اور بیت حنون پر فضائی حملوں میں مکانات اور رہائشی مقامات کو نشانہ بنایا گیا۔ حملوں میں شہید ہونیوالوں میں بیشتر خواتین اور بچے شامل ہیں۔
حماس نے اقوام متحدہ اور بین الاقوامی اداروں سے اپیل کی ہے کہ وہ شمالی غزہ میں باقی اسپتالوں اور طبی سہولیات کے تحفظ کے لیے فوری مداخلت کریں۔ صیہونی فوج اسپتالوں کو تباہ کررہی ہے۔
