لبنان میں صہیونی جارحیت، ایران نے امریکا کے ساتھ پیغامات کے تبادلے کا عمل معطل کردیا

تہران : لبنان میں صہیونی افواج کی کارروائیوں پر ایران نے احتجاجاً امریکا کے ساتھ پیغامات کے تبادلے کا عمل معطل کردیا۔ ایرانی خبر رساں ادارے تسنیم کے مطابق ایران کا دو ٹوک مؤقف ہےکہ لبنان کی صورتحال جنگ بندی کے بنیادی نکات میں شامل تھی، اسرائیلی کارروائیوں کے باعث جنگ بندی کی شرائط کی خلاف ورزی ہوئی۔ ایران نے غزہ اور لبنان میں صہیونی فوج کی کارروائیوں کے فوری خاتمے اور لبنان کے مقبوضہ علاقوں سے مکمل انخلا کو ناگزیر قراردیا۔واضح کردیاکہ ایران اور مزاحمتی قوتوں کے مؤقف کو تسلیم کیے بغیر مذاکراتی عمل آگے نہیں بڑھے گا۔ ایران اور مزاحمتی محاذ نے بطور سزا آبنائے ہرمز کو مکمل طور پر بند کرنے کے عزم کا اظہار بھی کیا ہے۔