Raza Musani 
بیروت : حزب اللہ کے سربراہ سید حسن نصراللہ نے بزرگ مرجع آیت اللہ سید علی سیستانی کے بیان پر انہیں جوابی خط بھیجا ہے۔ سید حسن نصراللہ نے لکھا کہ آپ جانتے ہیں کہ اس وقت ہمارا معرکہ حق اور باطل کا معرکہ ہے۔ جیسا کہ ہمارے مولا و آقا امام حسین علیہ السلام نے فرمایا تھا ذلت ہم سے دور ہے ہم اُنہی امام کے نقش قدم پر چل رہے ہیں اور دشمن کی کثرت اور ان کے نامراد حامیوں کی پروا نہیں کرتے۔ اس مددگار محاذ کے لیے آپ کے بیان نے ہمارے دلوں کو مسرت بخشی ہے اور یقینی فتح کا حوصلہ دیا ہے۔ حسن نصراللہ نے لکھا کہ آپ پر سلام ہو ہمارے اور عالم اسلام کے مدافع سید و رہنما اللہ آپ کو طول عمر اور سلامتی عطاکرے۔ آپ سب کے لئے ایک پناہ گاہ ہیں۔ آپ کی حکمت ہمیشہ سربلندی اور آپ کی نصیحت مشکل ترین اور آخری نفس تک مددگار رہی ہے۔ حسن نصراللہ نے لکھا کہ آپ ایک ایسی سرزمین کے وارث ہیں جہاں نبیوں کی رفت و آمد رسولوں اور صالح بندوں کی آماجگاہ رہی ہے۔ اور آج آپ عصر غیبت امام عج میں امت کی قیادت کے لئے ان کے وارث ہیں۔ حسن نصراللہ نے لکھا کہ اللہ کا وعدہ سچا اور وہی ہمارا مددگار ہے۔ اے فرزند زہرا ع آپ کا شکریہ بہادر عراق اور اس کی غیرت مند عوام کا شکریہ جو ہمیشہ سے دین اور عقیدے کا مدافع رہے ہیں۔ آخر میں اپ سے دعا کے طالب ہیں تاکہ فتح و شہادت کے اس راستے کو انشااللہ مکمل کر سکیں۔ یقینا فتح اللہ کے فضل سے ہماری ہی ہوگی۔
