Raza Musani 
یمنی مسلح افواج کے ترجمان بریگیڈیئر جنرل یحیی السریع نے اعلان کیا ہے کہ ملکی فضائی دفاع نے صوبہ صعدہ میں جاسوسی میں مشغول ایک اور پیشرفتہ امریکی ڈرون طیارہ MQ-9 مار گرایا ہے۔ جنرل یحیی السریع نے تاکید کی کہ یمنی مسلح افواج کی جانب سے گزشتہ 72 گھنٹوں میں مار گرایا جانے والا یہ دوسرا اور موجودہ جنگ کے دوران یمن کی جانب سے مار گرایا جانے والا یہ 9 واں MQ-9 ڈرون طیارہ ہے۔
اپنے بیان کے دوسرے حصے میں یمنی مسلح افواج کے ترجمان نے اردن و فلسطین کی سرحد پر انجام پانے والے استشہادی مزاحمتی آپریشن کو سراہا اور ماہر الجازی کی شہادت پر تہنیت و تعزیت عرض کی۔ انہوں نے پوری اسلامی برادری کو مخاطب کرتے ہوئے کہا کہ وہ فلسطینی قوم کے بارے اپنا مذہبی، اخلاقی و انسانی فریضہ ادا کریں! اپنے بیان کے آخر میں یحیی السریع نے زور دیتے ہوئے کہا کہ ملکی افواج غاصب صیہونی رژیم کی انسانیت سوز جارحیت اور غزہ کی پٹی کی ناکہ بندی کے خاتمے تک اپنی فوجی کارروائیاں جاری رکھیں گی.
