Raza Musani 
صنعا: اسرائیلی حملے کے جواب میں یمنی فوج نے تل ابیب کو بیلسٹک میزائل سے نشانہ بنایا۔ حملے کے سائرین بجتے ہی ہزاروں افراد پناہ گاہوں کی طرف بھاگ کھڑے ہوئے۔
یمن کی جانب سے جمعے کی صبح تل ابیب پر میزائل حملے کے بعد اسرائیل کے زیر قبضہ علاقوں کے ایک بڑے حصے میں سائرن بج اٹھے اور بن گوریون ہوائی اڈے کو بند کر دیا گیا۔
اسرائیل کی ایمرجنسی سروسز نے اطلاع دی ہے کہ تل ابیب میں 18 آباد کار پناہ گاہوں تک پہنچنے کی کوشش کے دوران زخمی ہوئے۔
اس سے پہلے اسرائیلی طیاروں کے یمن میں حملے میں چھ افراد شہید اور چھیالیس زخمی ہوگئے۔ اسرائیلی جنگی طیاروں نے دارالحکومت صنعا کے ایئرپورٹ اور حدیدہ شہر میں تیل اور بجلی کی تنصیبات کو نشانہ بنایا۔ صنعا ایئرپورٹ پر فضائی حملے میں ورلڈ ہیلتھ آرگنائزیشن کے سربراہ ڈاکٹر ٹیدروس ادہانوم بال بال بچ گئے۔ ایئرپورٹ پر حملے کے وقت ڈاکٹر ٹیدروس بھی وہاں موجود تھے اور اپنی ٹیم کے ہمراہ یمن سے روانہ ہونے والے تھے۔
