Raza Musani 
صنعا : جارح سعودی اتحاد کی یمن میں صنعا اور صدا پر بمباری سے دو شہری جاں بحق اور کئی زخمی ہوگئے۔ جنگی طیاروں نے صوبہ صنعا کے ضلع سنحان میں اسپتال سمیت مختلف علاقوں پر بم برسائے۔ حملے میں اسپتال کو نقصان پہنچا اور 4 ملازمین زخمی ہوئے جن میں سے دو کی حالت نازک ہے۔ جنگی طیاروں نے دیگر علاقوں پر بھی وحشیانہ بمباری کا سلسلہ جاری رکھا ہوا ہے۔ الحدیدہ کے الغرضی ضلع پر بھی اسی طرح کے فضائی حملوں میں دو یمنی شہری ہلاک ہوئے۔الحدیدہ کے الجراحی ضلع کے بیت شعیب دیہات پر بھی سعودی جنگی طیاروں کے پےدرپے حملے میں دوعام یمنی شہری زحمی ہوگئے۔ اس سے قبل بھی جارح سعودی اتحاد کے جنگی طیاروں نے صوبہ مآرب کے الوادی اورالجوبہ علاقوں پر سترہ بار بمباری کی۔ جنگی طیاروں نے صوبہ مآرب کے حریب علاقے پر بھی دس فضائی حملے انجام دیئے۔
