Raza Musani 
کراچی : کراچی میں تعینات چین کے قونصل جنرل لی بی جیان نے کہا ہے کہ عمران حکومت میں سی پیک پر کام متاثرنہیں ہوا،غلط معلومات پھیلائی گئیں، سابقہ حکومت اور موجودہ حکومت کے درمیان سی پیک سے متعلق پالیسی میں کوئی تبدیلی نہیں۔ پاکستان میں چینی باشندوں کی سیکیورٹی کے انتظامات تسلی بخش ہیں، چینی سرمایہ کاروں کو یہاں سرمایہ کاری کرنا چاہیے۔ ایک انٹریو میں انہوں نے کہا کہ سی پیک پاکستان اور چین کا مشترکہ منصوبہ ہے اور دونوں ممالک اس کو اہمیت دیتے ہیں۔ انہوں نے سی پیک منصوبوں میں تاخیر کی وجہ کورونا وبا اور سکیورٹی کی صورت حال کو قرار دیا۔ لی بی جیان نے پاکستان اور چین کے درمیان کسی قسم کے اختلافات کو سختی سے رد کرتے ہوئے کہا کہ دونوں میں مضبوط تعلق ہے اور ایک دوسرے کو قدر کی نگاہ سے دیکھتے ہیں۔ توانائی کے بحران پر بات کرتے ہوئے انہوں نے کہا کہ چین پاکستان میں توانائی کے شعبے میں کام کر رہا ہے جن میں کچرے سے بجلی بنانے کا منصوبہ شامل ہے۔
