Ilyas 
بچہ کیوں کھیلے!؟
کھیل سے روکنے کی وجوہات`
بعض والدین اور اساتذہ ابھی تک سمجھتے چلے آرہے ہیں کہ کھیل کود، بچوں کی فضول حرکت ہے۔ اُن میں محنت سے نفرت اور زندگی کی ذمہ داریوں سے فرار کی عادت پڑ جاتی ہے۔ انہیں لگتا ہے کہ اگر بچے کھیل کود میں لگے رہے تو وہ بڑے ہو کر بھی ساری زندگی کھیل ہی میں گزار دیں گے۔
پرانے وقتوں میں ہمارے گھروں اور اسکولوں میں اس قسم کے نظریوں پر بڑی شدت سے عمل ہوتا رہا ہے چنانچہ ہمارے آباؤ اجداد نے کھیل اور تفریح کو اسکولوں اور گھروں سے بالکل خارج کر رکھا تھا۔
سائنسی تجربات`
جدید سائنسی تجربات کی بنا پر والدین اور اساتذہ اس حقیقت سے روشناس ہو چکے ہیں کہ بچے کی شخصیت کی مناسب نشوونما اور جسمانی و ذہنی صحت کے لیے کھیل کود اور تفریح بہت ضروری ہے۔
