Raza Musani 
تہران: ایرانی بریگیڈیئر جنرل غلام رضا جلالی نے کہاہے کہ حماس کے کمانڈروں کو تلاش کرنے اور انہیں قتل کرنے میں واٹس ایپ نے کردار ادا کیا۔ انہوں نے کہا کہ واٹس ایپ کو جغرافیائی محل وقوع اور حماس کے بعض رہنماؤں کو نشانہ بنانے کے لیے استعمال کیا جاتا تھا۔
آرٹیفیشل انٹیلیجنس کی مدد سے آواز کی شناخت نے کمانڈروں کی شناخت میں اہم کردار ادا کیا۔ انہوں نے کہا کہ لبنان میں پیجرز کے دھماکے نے اس طرح کے طریقوں کے بارے میں شکوک و شبہات کو دور کر دیا۔ غیر ملکی ٹیکنالوجیز اور ہارڈ ویئر پر ہمارا عدم اعتماد سنگین ہے۔ لوگوں کو غیر ملکی سافٹ ویئر استعمال کرنے میں محتاط رہنا چاہیے۔ خاص طور پر ان ممالک سے جو دشمن کے طور پر جانا جاتا ہے۔
