Raza Musani 
تل ابیب: صیہونی وزیراعظم نیتن یاہو نے ایک بار پھر اسرائیل کے متنازعہ نقشے کا استعمال کیا ہے جس میں مغربی کنارے کو قابض ریاست کا حصہ دکھایا گیا ہے۔ اسرائیل کا یہ نقشہ گذشتہ روز نیتن یاہو کی نیوز کانفرنس کے دوران دیوار پر آویزاں تھا۔ فلسطینیوں نے اس اقدام کو تل ابیب کی طرف سے مقبوضہ علاقے کا واضح الحاق قرار دیا ہے۔ فلسطینی وزارت خارجہ نے ایک بیان میں کہا کہ نیتن یاہو کا نقشہ انتہا پسند دائیں بازو کی حکومت کے استعماری اور نسل پرستانہ ایجنڈوں کی حقیقت کو ظاہر کرتا ہے۔ بیان میں مزید کہاگیاہے کہ یہ طرزعمل تباہی کے مترادف اور دو ریاستی حل پر مبنی امن عمل کو بحال کرنے کی بین الاقوامی کوششوں کے لیے ایک کھلا چیلنج ہے۔ ہم بین الاقوامی قانون کی اس صریح خلاف ورزی کو انتہائی تشویش کے ساتھ دیکھتے ہیں، خاص طور پر جب سے قابض ریاست ہمارے لوگوں کے خلاف انتہائی گھناؤنے جرائم کا ارتکاب کر رہی ہے۔
