Raza Musani 
کولکتہ: بھارتی ریاست مغربی بنگال میں انتخابات میں کامیابی کے بعد ہندوتوا بی جے پی کے شر پسندوں نے کھلے عام مسلمانوں پر حملے کئے۔ املاک میں توڑ پھوڑ کی گئی یا انہیں جلادیا گیا۔ حملوں میں تین مسلمان شہید کئےگئے۔
اطلاعات کے مطابق ریاست کے آٹھ اضلاع میں کم از کم انتیس پُرتشدد واقعات رپورٹ کیے گئے۔ کوچ بہار، شمالی چوبیس پرگنہ، جنوبی چوبیس پرگنہ اور کولکتہ سب سے زیادہ متاثرہ علاقے رہے۔ مختلف مقامات پر مسلمانوں کے گھروں، دکانوں، ہوٹلوں، گوشت کی دکانوں، سیاسی دفاتر اور مذہبی مقامات کو نقصان پہنچایا گیا۔ رپورٹس میں بتایا گیا کہ کم از کم چھیالیس مسلمانوں کو تشدد کا نشانہ بنایا گیا ۔ متعدد خاندان خوف کے باعث عارضی طور پر اپنے گھر چھوڑنے پر مجبور ہوئے۔ کئی مساجد میں توڑ پھوڑ کی گئی۔ مسلم شخصیات کے نام پر سڑکوں اور مقامات کے نام تبدیل کردئے گئے۔
