ہمیں آزاد خارجہ پالیسیاں بنانی چاہیے جو عوامی مفاد میں ہو، عمران خان

اسلام آباد : سابق وزیراعظم عمران خان کا کہنا ہے کہ جب سیاست میں آیا تو اپنے مرنے کے خوف پر قابو پا لیا۔ آج 16 جماعتیں میرے خلاف ہیں اور میں اکیلا ہوں۔ چیئرمین پی ٹی آئی عمران خان نے برطانوی ٹی وی کو انٹرویو میں کہا کہ میرے خلاف منصوبہ بندی کرنے والے پریشان ہیں، وہ مجھے واپس نہیں چاہتے، روس صرف ایک دن کے لیے گیا، نہیں جانتا تھا کہ کیا ہونے والا ہے، ایک گھنٹے میں طے کرنا تھا کہ روسی صدر سے ملاقات کرنی ہے یا نہیں، عراق، افغانستان اور یوکرین میں تمام فوجی کارروائیوں کے خلاف ہوں، زیادہ آبادی والے ممالک کو دیگر ممالک کے ساتھ تعلقات قائم رکھنے چاہئیں، بھارت نے اپنے لوگوں کے فائدے کے لیے پالیسیاں بنائی ہیں، ہمیں بھی آزاد خارجہ پالیسیاں بنانی چاہیئں، جو عوامی مفاد میں ہوں۔ انہوں نے کہا کہ اگر روسی صدر پیوٹن کو اندازہ ہوتا کہ کیا ہونے والا ہے تو وہ جنگ شروع نہ کرتے۔ پیپلز پارٹی اور نون لیگ نے 30سال تک حکومت کی اوران کےخلاف بڑی تعداد میں کرپشن کیسز ہیں۔