Raza Musani 
مناما : صیہونی وزیر دفاع بینی گینز بحرین کے پہلے سرکاری دورے پر مناما پہنچ گئے۔ دونوں ملکوں کے درمیان معمول کے تعلقات استوار ہونے کے بعد ان کا یہ پہلا سرکاری دورہ ہے۔ صیہونی بحریہ کے سربراہ ایڈمرل ڈیوڈ سار سلامہ سمیت کئی اعلیٰ فوجی اور سیکیورٹی عہدےدار بھی مناما پہنچے ہیں۔ وفد نے اسرائیلی فضائیہ کے طیارے میں سفرکیا ہے اور بحرین کی سرزمین پر پہلی مرتبہ اسرائیلی فضائیہ کا کوئی طیارہ اترا ہے۔ مزید کہا گیا ہے کہ وزیردفاع نے بحرین کی دفاعی اسٹیبلشمنٹ اور اعلیٰ حکام کے ساتھ ملاقاتیں کیں اور دفاعی شعبے میں دوطرفہ تعاون کے فروغ پر بات چیت کی ۔ یاد رہے کہ گذشتہ سال صیہونی وزیرخارجہ یائرلاپیڈ نے بحرین کا پہلا سرکاری دورہ کیا تھا۔اس موقع پر انھوں نے منامہ میں اسرائیلی سفارت خانہ کا افتتاح کیا تھا۔
