Raza Musani 
انقرہ : ترک فورس نے کردوں کےخلاف آپریشن کی آڑ میں عراقی سرحدی حدود کی پامالی پھر شروع کردی ہے۔ ترکی کی جانب سے شمالی عراق میں کردش ورکرز پارٹی کے خلاف ایک مرتبہ پھر بڑے پیمانے پر فوجی کارروائیوں کا آغاز کیا گیا ہے۔ کردش پارٹی کو ترکی دہشت گرد قرار دیتا ہے۔ ترکی کے وزیر دفاع ہولوسی آکر نے بتایا کہ ترک فورسز نے جنگی جہازوں اور توپوں کی مدد سے کرد جنگجوؤں کے ٹھکانوں کو نشانہ بنایا ہے۔ آپریشن میں ہیلی کاپٹر اور ڈرونز سے بھی مدد لی جارہی ہے۔وزیر دفاع نے کہا کہ ترک جنگی جہازوں نے کامیابی سے کرد جنگجوؤں کے شیلٹر، بنکر، سرنگوں اسلحہ ڈپو اور ہیڈکوارٹرز کو نشانہ بنایا، جہاں سے کرد جگنجو ترکی پر حملہ کرتے ہیں۔
