Raza Musani 
تہران : ایران جوہری معاہدے کی بحالی کے لیے ویانا میں بات چیت کے 8 ادوار کےباوجود واضح پیشرفت نہ ہوسکی ایران نے تصدیق کی ہے کہ جوہری مذاکرات میں اہم مسائل پر اختلافات برقرار ہیں۔تہران میں ایرانی وزارت خارجہ کے ترجمان سعید خطیب نے نیوز بریفنگ میں کہا کہ ایران پر پابندیوں سے متعلق اہم مسائل ابھی باقی ہیں۔ جس کی وجہ سے ابھی تک جوہری معاہدہ بحال نہیں ہوسکا۔ ایران کو ضمانت درکار ہے کہ امریکا دوبارہ معاہدے سے باہر نہیں نکلے گا۔ ترجمان خطیب نے کہا کہ فریقین بات چیت میں واپس آئیں تاکہ معاہدے کو حتمی شکل دی جاسکے۔ معاہدے کے دیگر فریقین بشمول امریکا کو سیاسی فیصلے کرنے کی ضرورت ہے۔
