Raza Musani 
واشنگٹن: امریکا اور روس کے درمیان یوکرین سے متعلق کشیدگی میں بے پناہ اضافہ ہو گیا ہے۔ روس نے نائب امریکی سفیر کو بے دخل کر دیا ہے۔ امریکی محکمہ خارجہ کے ترجمان نے اس ضمن میں کہا ہے کہ روس نے بلا اشتعال قدم اٹھایا ہے، امریکہ واضح جواب دے گا۔ امریکی سیکریٹری دفاع لائیڈ آسٹن نے بھی نیٹو ہیڈ کوارٹرز میں منعقدہ ایک پریس کانفرنس سے خطاب کرتے ہوئے کہا تھا کہ امریکہ روس کو خون کی سپلائی کا ذخیرہ اور یوکرین کی سرحدوں کے قریب فوجیوں کی تعیناتی کرتے ہوئے دیکھ رہا ہے۔ لائیڈ آسٹن نے روس کی جانب سے فوجی انخلا کے دعوؤں کو یکسر مسترد کرتے ہوئے کہا تھا کہ روس کے جنگی طیاروں کی پروازیں دیکھی گئی ہیں۔ ان کا کہنا تھا کہ مشرقی یوکرین میں گولہ باری کی اطلاعات بھی تشویش ناک ہیں۔
