Raza Musani 
واشنگٹن : امریکا کے صدر ڈونلڈ ٹرمپ نے اعتراف کیا ہےکہ امریکی نیوی ایرانی بندرگاہوں کی ناکہ بندی کے لیے بحری قزاقوں جیسا کام کر رہی ہے۔ امریکی صدر ڈونلڈ ٹرمپ نے کہا کہ ہم ایران کے جہازوں، گارکو اور تیل پر قبضہ کر رہے ہیں، یہ بہت ہی منافع بخش کاروبار ہے، ہم بحری قزاقوں کی طرح ہیں لیکن ہم گیم نہیں کھیل رہے۔
اس سے پہلے امریکی صدر ٹرمپ نے امریکی کانگریس کو خط لکھ کر کہا ہے کہ ایران کے ساتھ مسلح کشیدگی ختم ہو گئی ہے۔ ٹرمپ نے لکھا کہ ایران کے ساتھ جاری جھڑپیں ختم ہو چکی ہیں اور جنگی صورتحال کا اختتام ہو گیا ہے۔ ٹرمپ کے مطابق سات اپریل سے جنگ بندی برقرار ہے اور اس کے بعد کوئی فائرنگ کا تبادلہ نہیں ہوا۔ خط میں کہا گیا کہ یہ اقدامات امریکا اور اس کے مفادات کے تحفظ کے لیے کیے گئے۔ امریکی صدر کے مطابق موجودہ صورتحال میں کانگریس سے منظوری کے لیے دی گئی ساٹھ روزہ مدت کا اطلاق اب نہیں ہوتا۔ ادھر امریکی صدر ڈونلڈ ٹرمپ نے کہا ہے کہ وہ نئی تجاویز سے مطمئن نہیں ہیں ایران سے مذاکرات جاری ہیں۔ یقین نہیں کہ یہ کسی نتیجے پر پہنچ سکیں گے۔
