Raza Musani 
مقبوضہ بیت المقدس: غاصب اسرائیل کے لئے امریکہ کی فوجی امداد کا سلسلہ بدستور جاری ہے اور سات اکتوبر 2023 کو جب سے جنگ غزہ شروع ہوئی ہے تل ابیب کو امریکی فوجی امداد موصول ہوتی رہی ہے اور فوجی امداد کا حامل 500 واں طیارہ بھی پہنچ گیا ہے۔
صیہونی حکومت کی وزارت جنگ کے بیان کے مطابق اسرائیل کے لئے امریکہ کی فوجی امداد ہی تل ابیب کا وجود باقی رہنے کا باعث بنی ہے اور صیہونی حکومت، جنگ جاری رکھے ہوئے ہے۔ جنگ غزہ کے آغاز سے ہی امریکہ نے صیہونی حکومت کو اتحادی کی حیثیت سے ہر طرح کے خطرناک ترین ہتھیار فراہم کئے ہیں جو فلسطینیوں کی نسل کشی کے لئے استعمال ہو رہے ہیں۔ واضح رہے کہ امریکہ ایک جانب تو جنگ بندی کا ڈرامہ رچا رہاہے جبکہ دوسری جانب اسرائیل کو فلسطینیوں کی نسل کشی کے لیے بھرپور مدد اور ہتھیار فراہم کررہاہے۔
