Raza Musani 
دمشق: ایرانی وزیر خارجہ عباس عراقچی نے کہا ہے کہ شام میں دہشت گردی کا دوبارہ سر اٹھانا امریکی اسرائیلی منصوبے کا حصہ ہے جس کا مقصد مغربی ایشیا کے خطے میں عدم تحفظ پھیلانا ہے۔ روسی وزیر خارجہ سرگئی لاوروف کے ساتھ فون پر بات چیت میں عراقچی نے کہا کہ دہشت گردی کی شیطانی لعنت سے نمٹنے کی ذمہ داری بین الاقوامی برادری پر عائد ہوتی ہے۔انہوں نے مزید کہا کہ ایران، روس اور علاقائی ممالک بالخصوص شام کی ہمسایہ ریاستوں کو اس خطرناک سازش کو ناکام بنانے اور شام میں دہشت گردوں کے اقدامات کا مقابلہ کرنے کے لیے چوکس رہنا چاہیے اوررابطہ کاری کو بہتر بنانا چاہیے۔
اس سے قبل شامی ہم منصب سے ٹیلی فونک گفتگو میں عباس عراقچی نے کہا کہ شام میں دوبارہ سر اٹھانے والا دہشت گرد گروپ واشنگٹن کا اثاثہ ہیں.
